ازاي ألاقي جمهوري على انستجرام؟
* أول خطوة لازم تعملها انك تتابع الهاشتاج (#) اللي عامل حدث.. لأنه مهما كان مجال الأكونت بتاعك أكيد هتلاقي حاجات ليها علاقة زي المؤتمرات والندوات والاحتفالات والاعلانات.
بالنسبة مثلًا للناس المهتمة بالسوشيال ميديا والديجيتال ماركتينك والـ Seo وغيرهم من الكلام ده يبقى هتابع بشكل مستمر المؤتمرات اللي ليها علاقة بالكلام ده وهتابع الهاشتاج المنتشر زي (#cmworld).
ومش بس كده.. انت لازم بشكل مستمر تتابع وتكون نشيط وعندك ابداع دايمًا وتغير من محتواك وتتفاعل مع الناس.. بمعنى تاني.. حاول ترد على الناس اللي بتسأل ودايمًا تقدملهم معلومة تفدهم.
* الخطوة التانية تتابع الهاشتاج اللي ليه علاقة بالهوايات اللي ليها علاقة بشغلك.. بمعنى ان لو صفحتك مهتمه بالمكياج أو الموضة يبقى هتجيب كل الهاشتاج اللي بيتكلم عن الموضة ومصممين الأزياء العالميين والمكياج.
وابدأ دور على الفانز وتفاعل معاهم واعملهم لايك.
* ادخل عند المنافسين ليك واعمل Follow للناس اللي هتفيدك فعلا واعملهم لايك وكومنتات.
بقولك صحيح... لو انت عندك 8000 followers ومش مهتمين بمجال البراند بتاعك اعرف يا معلم ان الانستجرام اللي انت عامله ده مالوش اي لازمه...
#مبادرة_المليون_موقع_عربي arabbus.com
