في احصائية تمت وأجمعت على ان الألوان ليها تأثير كبير بنسبة 80% وأهمية في ان العميل ياخد قرار شراء المنتج.
اللون الأصفر:
لون شبابي ومتفائل .. يُستخدم أحيانًا في نوافذ العرض عشان يجذب
الإنتباه.
اللون الأحمر:
لون يدل على الطاقة والحيوية، ويُشعرك بضرورة اتخاذ قرار سريع للشراء .. عادة ما يُستخدم فى العروض والتخفيضات.
اللون الأزرق:
يوحي بالثقة والأمان .. عشان كده هتلاقي اللون ده متداول فى البنوك والمصارف والشركات.
اللون الأخضر:
يُعتبر أسهل لون يُمكن للعين ترجمته .. يوحي دايما بالراحة، ويُعطي العملاء شعورا بالثراء والغنى.
اللون البرتقالي:
اللون ده بقى يعتبر دليل قوي لتحفيز العميل على اتخاذ قرار الشراء أو البيع أو المُشاركة .. بمعنى آخر كأنه يقول لك : اعمل حاجة !
اللون الوردي:
اللون ( السخيف ) المُعتاد الموجه بصفة كاملة للنساء والأطفال، ويحمل معانى عاطفية ورومانسية – هكذا يقولون ! – لحثّهم على شراء المُنتجات الخاصة بيهم.
اللون الأرجواني(البنفسجي):
لون مُريح للعين والاعصاب .. أحيانا بتستخدمه شركات التجميل ومُستحضرات التجاعيد ومقاومة التقدم فى العمر.
اللون الأسود:
ملك الألوان .. القوة والمتانة والفخامة .. أحيانا يُستخدم مع المُنتجات الكمالية والفاخرة.
#arabbus