التسويق الالكتروني عن طريق الموبايل
خدلك شوية نصائح على الصبح عن التسويق الالكتروني عن طريق الموبايل في 2015
رقم واحد لازم تهيأ الموقع الخاص بيك للموبايل عشان معظم أصحاب المواقع يتجاهلوا النقطة دي لكن حسب احصائيات جوجل ان 67% من عمليات البحث عن المنتجات والخدمات تتم من خلال الموبايل.
تاني حاجة لازم تعملها تضيف زر (اتصل بنا) لأنه من أهم أدوات التسويق الداخلي وحسب الاحصائيات ان 61% مستخدمي الموبايل بيقوموا بعملية الاتصال المحلية بعد اجراء بحث محلية عن طريق الموبايل.
تخيل بقى لو ضفت رقم تليفونك في اعلانات google adwords وقام شخص ما مثلا بالبحث عن (مركز صيانة) وشاف رقم تليفونك الخاص بالمركز هيزيد التفاعل مع الاعلان أكثر من الاعلانات التانية .. حسب الاحصائيات نسبة الضغط على الظهور الاعلانات اللي فيها ارقام تليفونات زادت بنسبة من 6 لـ 8%.
رابع حاجة لازم تهيأ ايميلات للموبايل عشان بنسبة 89% من الايميلات على الموبايل فقدت عملاء كثير وزوار بسبب عدم تهيئة الايميلات زي المواقع بشكل صحيح.
وعشان جوجل دايما بتحب تريحك قررت تعملك أداة اسمها
Mobile-Friendly Test ودي اتعملت عشان تقدر تختبر عليها تهيئة المواقع والايميلات اللي انت عملتها ماشية تمام ولا لأ... وكمات بتخليك تشوف ازاي هيكون شكل موقعك من الموبايل.
صباحكوا فل
